Yekşem , 20 Îlon. 2020

Ji Nûbiharê 10 Kitêbên Zarokan!

Ev deh kitêbana, wekî set bi navê “Daristana Şêrîn” weşiyane. Neh heb ji wan rengîn, yek jî reşbelek e; yanî kitêba xêzkirin û rengandinê ye. Li dawiya her kitêbê, li gorî naveroka wê hin pirsên azmûnkariyê û ferhengokek hatine amadekirin.

Rûpelên kitêban, bi nîgarên rengareng xemilandî, nivîsên wan jî digel nîgaran hûnandî ne. Metnê kitêban, nivîskar bi xwe vejandiye; ne ku folklorîk û werger e.

Lehengên van kitêban ajal in. Li ser zarê wan bi awayekî pedagojîk zarok tên perwerandin. Ewana gelek têgehên razberî hînî zarokan dikin, herwekî; arîkarî, hevaltî, hevkarî, quretî, nefsbiçûkî, wêrekî, tirsonekî û gelek tiştên din.
Jiyana lehengan, li Daristana Şêrîn dibore. Her çar danê salê jî dibînin. Gelek tiştan fêr dibin û fêr dikin; biharî gul û gihayê, havînî tîn û tîrêjan, payîzî pûş û xezanan, zivistanî berf û baranan û gelek tiştên din…

Ajalên daristana şêrîn, bi tevgerên xwe yên li malê, li mektebê û digel hevalan, ji bo xûyê xweş û karekterê baş dibin rêber û rênuma ji bo zarokan.

SETA DARISTANA ŞÊRÎN JI VAN KITÊBAN PÊK TÊ:
1-Poşmaniya Mar
2-Kanûgrû Gogo
3-Sihorîka Tirsonek
4-Hechecika Delal
5-Malbata Meymûn Xanim
6-Çirçirk û Cîranên Wê
7-Xewa Piling Pîlo
8-Roja Bavan
9-Roja Dayikan
10- Reşbelaka Daristana Şêrîn

Nîşe: Ev kitêbên zarxweş, ji bo zarokên xweşik niha li standa Nûbiharê ya Fuara Tuyapê ye.

Derbar Rêvebirê Çandnameyê

Rêvebirê Çandnameyê

Dikarê vê jî bixwênê

Pirtûka Sêvdîn Mîrê Kela Rebetê Ya – Osman Özçelik

1-Tim navroj e, mela banga nimêja nîvro dike. Ez bi xemginîyeke kevnar ketime canê xwe. …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.