Duşem , 30 Sermawêz 2020

Hîkmetê Ziwanî

Şaîr û edîbê pîlî, alimî, fîlozofî û mutefekirê ke fikrê neweyî ardê meydan, ancî pêşewayî, lîderî û qumandanê ke milet û artêşî îdare kerdê, zafê serkewtişê xwu esas deyndarê ziwanî yê. Çimkî, pêxemberî zî tede, çiyo ke merdimanê pîlan ra bala mi anceno, înan ziwan zaf pank, zaf rindek, zaf weş, zelal û fesîh, bêqisûr û krîstalîze şixulnayo. Hetanî ewro hetê şixulnayişê ziwanî ra mi eseranê merdimanê pîlan de qisûr nêdî. Ez mexsûs ziwanê înan ser o şixulîyaya, la ez nêeşkaya yew cumleya înan, tenya yew cumle newe ra bi hawayêna saz bikerî. Nê, mumkin nêbi!

Coka ez vana qey merdim çiqas ziwanî ra hes bikero, çiqas zerrî ra bala xwu bido ziwanî ser, muhabetê merdimî û ziwanî çiqas weş û zerrî ra bo, merdim çiqas qedir û qîmet bido ziwanî, çiqas rindek û fesîh bikar biyaro, ziwan zî vera enê qedirzanayişî de bi comerdîye berê hîkmet û esrarê xwu merdimî rê akeno; dîyayiş, xeyalkerdiş, fikirîyayiş, tesewurkerdiş, afernayiş û îfadekerdişê merdimî keno zelal û sade, fikir û îfadeyê merdimî bêqisûr sîstematîze keno. Û xwura, tefekurê ma reng û şeklê xwu dano heyatê ma…

Roşan Lezgîn-zazaki.net

About ziman

Avatar

Check Also

Şar se keno, ma sekenê?

Ma eno hefte bawnin ka şar se keno, ma sekenê. Vatişêke verînan ê kurdan bîbî, …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.