Şemî , 31 Cotmeh 2020

Heyamo ji wan re bêje!

-1-

Çi havînek dirêj e

Tu dibêjî qey heyam

Xwe xuz kiriye û dem

Hûrikên xwe di nav tozê wê de

Didêre..

Waweylê!

Çilo sal pîr dibin û

Mîrneşîn pîr nabin?!

2

Herdû bestên li dor gundê min Doda

Gelek çerx û dewran dîtine ta ku

Derbasî dîrokê bûne.

Dîroka ku bi bêdengî zêrevaniya

Rêwiyên xwe dike..

Hin caran bi wan re dikene û hin caran digirî..

Lê qet diyalogê bi kesên rawestyayî re

li ser peravên demê nake..

3

Va ez ketime payîza temenê xwe,

Rojan dispêrim hev, li gor serwextiya xwe,

xwe ji wan re xuz dikim..

Pêre-pêre sosretmayî dimînim û

ji xwe dipirsim: Va ez pîr dibim,

Gelo çima desthilat û berpirsyar pîr nabin?!

4

Derewan dikin û

Tu bi wan zane..

Pêre jî ev gotin tê hizra mirov:

(Xwe biparêze ji şerê kesên ku

te qencî bi wan kiriye)

An: (ku te qencî bi merdan re kir,

te ew ji xwe re kirîn û

te qencî bi nemerdan re kir

wê rojekê li ber te rabin û

berberiya te bikin).

Dawî; bav û kalên me gotine:

(Kesê nekes be nabe kes, kurtanê kerê nabe etles).

5

Dibêjin:

Ji bo rastî bê gotin,

Dîrok xwe vedigerîne

Gelo! Ji bo vejandinê

Evîn jî xwe vedigerîne?

Heyamo! ji wan re bibêje!

Konê Reş

 

Qamişlo, Tebaxa

 

About Konê Reş

Konê Reş

Check Also

Şeş Peyvên Lokman Polat

Her nivîskar berhemên xwe li ser çend peyvan ava dike. Yanî di berhemên xwe de …

One comment

  1. Avatar

    Manostê hêja kerema xwe tu dikarî navnîşana xwe a medya civakî min re parve bikî. Ez dixwazim bi te re biaxifim

Bersivekê Binivîsêne

Epeyama we nayê weşandin. Qadên pêwist bi * hatine nîşandan.