În , 4 Hezîran 2020

Herimandin

Zarên dilê min
Gedên xaka min
Li rojhilata navîn
Dengê çivîkên sibê
Bordûman kirin
Li aştiya stêrkên şevê
Tune kirin
Rabirdû û dahatû
Bi bombe û mînan
Bi mirina dûxan û dû
Li deşta rabirdûyê
Û li dilê dahatûyê
Dengê çivîkên gedan
Dengê dîkê siban
Ji reh birrîn
Bi hezar çîrokên birîn
Dê ji zar
Û zar ji bavan
Bi dûxana bordûmanê
Konê aştiya keybanûya dilan
Konê hêvî û şadûmanê
Koçber kirin
Penaber hiştin
Ji mal û taxê
Ji hewşên her cûre
Fêkî û siya wan
Ji lîskên herî û axê
Dûr xistin
Zarên dilên min
Gedên xaka min
Li oxira xwînmijan
Bi ba û bahoz
Bi dengê çek û tankan
Li zarên dilê min
Bi êş û keser û jan
Herimandin jiyan

Mustafa Rêzan
07.06.2017 Amed

About Mustafa Rêzan

Mustafa Rêzan

Check Also

Momo û Dizên Demê

Pirsgirêka  herî mezin ya mirovê modern ‘dem/wext’ e. Nikare bi wextê re serî bikişîne. Di …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.