Pazar , Nisan 18 2021

Helbestvanek Min Dît

HELBESTVANEK MIN DÎT

 

Li kolanê helbestvanek min dît

Ji lûsê ramana xwe direvî

Ji êşa xwe baz dida

Bi xas ketibû rê û diçû

Pênûsa xwe wek şûrekî hildida jor û direvî

Şûna gule û xençeran li ser rûyê wî bû

Cilên xwe diqetandin û diçû

Bi ser çepê dilê xwe de dikulî

Babelîska rûpelên zer, ji nivîsên wî bi dorê ketibû

Baz dida…

Radiwestî, ku hinekî bigirî

Baz dida

Radiwestî, ku hinekî biqêrî

Û birêveçûna xwe berdewam dikir.

Li kolanê helbesvanek min dît

Bi dîwanê xwe sond dixwer û digot:

Hawar, hawar…

marek ketiye lûsa ramana min”.

Li kolanê helbesvanek min dît

Nîv meriv mabû

Agir bi rû katibû

wek ocaxekî bûbû, rûpelan xwe yek û yek li ser dişewitîn

Li ser çepê dilê xwe dikulî

Welatek li pê xwe dixuşand û dirvî.

About Rêvebirê Çandnameyê

Rêvebirê Çandnameyê

Check Also

Şêwra Êvara Perwaneyê

Koma Xwendinê ya Amedê ku ji 15 rojan carek roman an çîrokek kurdî dinirxîne, vê …

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir