Perşembe , Ocak 28 2021

Helbesta Fitarê (Helbest)

Mef’ûlû/Mefaîlû/Feûlûn

 

Îro Remezan jî bûye sêzde

Hêvî ewe îd bê ser me nêzde

 

Sêzdeh ku xilas bû çarde têtin

Piştî wê teqez dê pazde bêtin

 

Pazdeh dê bibit bira bo şazdê

Şazdeh dê bo hevdeyê ve bazdê

 

Hejdeh diçe nozdeya delal e

Hetta bibe bîst û bit kemal e

 

Bîstûyek û bîstûdo li dor e

Takû biçe bîstûçar li jor e

 

Piştî wê jixo tê bîstûpênc e

Bîstûşeşê deyne ber de sênc e

 

Paşê dê biçin bo bîstûheftê

Hetta bigihên bo bîstûheştê

 

Bîstûnehê dê rojek bimîne

Êdî kederê ji dil derîne

 

Ya dî Erefat e hem pîroz e

Nêzîk bûye îd çi xoşî roz e

 

Va min bo anî  dem bo cejnê

Da hûn tewînin li ber wê bejnê

 

Cejna we tevan ji dil pîroz bit

Keyfa wê rojê mehûj û goz bit

 

Hetta Remezanekî dî hatî

Şertê bibe xweş ji dil biratî

 

Dilkul dê dîsa ji bo we bêje

Dê her durr û yaqûtan birêje

 

Dilbikulê Cizîrî

 

About ziman

Avatar

Check Also

Pirsên Kalêmêr û Mela Yasîn (Hîkaye)

Mela Yasîn hê nû bibû mela. Ji bo melatiya gundê Qeremûsana Çêrmûgê hatibû tayîn kirin. …

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir