Salı , Mart 9 2021

GOTINA ”NÎRÊ REŞ”

Duhî min nivîsek bi sernavê ”GOTINA ´NÎRÊ ZÊRÎN” weşandibû.

Herweha min daxwaz kiribû ku biraderên me li ser vê babetê rawestin û tiştine ku ez nizanibim, ew ji kal û pîrên me bipirsin û binivîsin.

Niha biraderê me Ebdulqadi Qeya (Abdulkadir Kaya) gotina NÎRÊ REŞ jî nivîsiye û bo min hinartiye. Li gor agahdariya wî Nîrê Reş weha ye:

Nîrê Reş, 20 roj in; deh roj ji dawiya payîzê û deh roj ji serê zivistanê ne.

Dema cotkar genimê xwe tov dike, ji ber ku axa zeviyê şil e, genim zû zîl dide û derdikeve derva.

Lê di wan 20 rojan de hin caran sermaya zêde çêbibe û ew genimê zîldayî ji ber qeşayê dişewite. Ew sal berê genim pir kêm dibe.

Ji wê salê re dibêjin NÎRÊ REŞ.

Ez bawer dikim ku di vê babetê de hêj gotin û navine dî jî hene ku em pê nizanin.

Hêvîdar im ku biraderên me li ser babetên wisa lêkolîn bikin û binivîsin, da ku Ferhnega Kurdî ya kurmancî dewlemendtir bibe.

08/ 11/ 2020

Zeynelabidin Zinar

(Ev nivîs ji rûpela facebokê ya Zeynelabidin de hatiye wergirtin)

About ziman

Check Also

Mesela Habîl û Qabîl

Adem û Hewwa li bihuştê jiyanek kamran didomandin. Nizanîbûn tirs çi ye; westabûn çi ye. …

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir