Pêncşem , Nîsan 18 2019
Destpêk / Forum / Nivîsxane / Ezbenî! Dar Şipya Dijîn û Şipya Dimrin

Ezbenî! Dar Şipya Dijîn û Şipya Dimrin

Ezbenî! Va payîz hat û darên di hewşa me de têne hejandin.. Ew payebûna derewîn ji wan re namîne.. Û şev bi dûv şevê de rêz dibin.. Stêrên asman xwe di nav reşewrên vê payîzê de vedişêrin..

Ezbenî! Dergehên me ji xewnên nû û hevalên nû re vekirî ne.. Lê qet em riçin, geha û zexeliya ku di hewşa me de, di nav gul û kulîlkên me de şîn tên, jibîr nakin..

Ezbenî! Gul û kulîlk, ji kêrên birrînê direvin.. Lê ku kêr mîna kêrên gelac û Bekoyan bin, pêwiste em bi wan re biken in..! Zerera wan nîne, dahola wan vala ye û rojên wan kurt in.. Ew wek gehayê di hewşa me de ne, tu carî nikarin bibin mîna darên di hewşa min û te de.. Tevî Bekotiya wan, pêwîste em bi wan re bi gurnijin û bikenin, li wan guhdarî bikin û baweriya wan bîne ku ew rast in..!

Ezbenî! Bilive pêş.. Li paş nezîvire.. Jiyan bê rawestandine.. Dar şipya dijîn û şipya dimir in..

Va payîz bi lez û bez êrîş dike.. Kirasê daran ji wan dike, wan tazî û rût dike û rastiya wan şanî me dide.. Dibe sibe an dusibe, careke din baran bibare û serpêhatî dengvedan, tevlî xuşxuşa ava çemên ku berê xwe didin deryayê, bibin. Hingê tê ji riçin û gehayê di hewşa xwe de bibehite, bê çawa bûye xwelî û di nav lingên te de belawela bûye..

Ezbenî! Razana rastiyê di quncikên tarî de dirêj nake.. Lehî û şapa ku ji çiya tê xwarê, newal, gelî û dolan ji qirêja havînê paqij dike û razayan ji xew şiyar dike..! Çax û demê xwe bi gelac û Bekoyan re derbas meke, pişta xwe bide wan û werê em bi hev re bahozekê bi afirînin.. Ma ne dar şipya dijîn û şipya dimrin.

 Konê Reş

Qamişlo

Derbar Konê Reş

Konê Reş

Dikarê vê jî bixwênê

Evîna Feqî

Pira xasê bi dengê Seyda ji nav cihê xwe hilpekîya. Bi dengek hêrs bûyî bang …

Bersivekê binivîsin

Your email address will not be published. Required fields are marked *