Ew Ne Bi Te Re Bûn

I.

ew ne bi te re bûn

gelê min.

wan digot: ew

wî digot: ez…

 

ew ne bi te re bûn

ne bi şîna te re

ne jî bi şahiya te re

 

tenê,

ew bi xwe re bûn.

 

II.

dişibiyan hev

ê digot ew

û yê digot ez

 

ger pêwîst ba

bi navê te;

lê bi naveroka xwe

bi te re bûn.

 

mixabin

ji dilê te neketibûn

û ne bi te re bûn

ji lew tu bindest bû.

ew jî…

 

III.

war û welat

dişewitî

mirovahî dişewitî.

dilewitî…

 

lê ew

li dij hev

ji bo xwe bûn.

 

ew ne bi te re bûn

gelê min.

tenê bi xwe re

ji bo xwe bûn.

 

Necat zivingî

2015