“Dewijandê mi rê”
Dewijî
Erdan de rençber
Deştan de şiwane yê
Amnanî rojî ver
Rojdihîr de palî
Germê leylanî de qazme
Pûk û serdî de peme
Xeyman de bi mengan a
Adna de, Sokya de
Seranser gulbê xeyman
Xortî
Beton kirêşenê Îzmîr de qatan ser
Ariq rêj beno çare ra
Xercê betonî sero beno çina
Xebatkaryê yenê çaykar!
Çayên dek wa demin bo!
Sifte
Dew ra qal kenê
Qeçkan ra…
Filankes merdo/Veyve kerdo bêvankesî
Çendna amê dinya
Namê jiweri Bewran, jiweri Xezal …
Şew
Qehwe de
Îzmîr de
Qalê dewi kenê çay ser
Çaykar!
Çayan teze ki!
Seat diwêsî mojnena
Hewn nêkewno înan çim
Jiwerî de xiyalê may/xiyalê pî
jiwerî de xiyalê waştî
jiwerî de derdêno bêderman
Hinî pal danê cayan ser
Heşeretî mîyan de
Ca bi ca pîrikî
Dêsê bêsiwaxî
Ne tîya de ne wija de rehetey
Coyey kezalete ya
Kezalete ya ma rê
Bira yê mi
Dewijê mi!
Ö. Faruk Çetinkaplan
