Çarşem , 30 Îlon. 2020

Dersên Kurmancî (2)

DERSA KURDÎ (KURMANCÎ) YA DUYEMÎN:

ALFABEYA KURDÎ:

3)Cc:

Di tîpên erebî de ciyê tîpa جyê digire.

Mînak: catir, conî, cobir, cindî, conega, cîran (cînar), cot.

4)Çç:

Di erebî de ciyê چyê digire. Tîpa “ç” hem kirpandî (derblêdayî) û hem jî nekirpandî tê bilêvkirin (telafûzkirin).
Mînak:
Kirpandî Nekirpandî
Çil Çar
Çira Çêl (çêlek)
Çem Çend

5)Dd:

Di tîpên erebî de ciyê دyê, di tirkî de jî ciyê “d”yê digire.
Mînak: der, Dêrsim, direng (dereng), das, dayîk, dexil, badan, sîdar.

6)Ee:

Dengdêreke kurt e. Di tîpên erebî de texer (piranî) ciyê ه‌yê digire. Lê belê (belam) bo peyvên ku bi binyata xwe ve erebî ne û ketine di nav zimanê kurdiyê de jî, ciyê tîpa عê digire. Dema ku ciyê عê digire, hindek kes apostrofê (‘) didanin pêşiya “e”yê (hote; ‘e). Bes texer apostrof nahê (nahête) bikaranîn (emelkirin).

Mînak: erzan, erdnîgarî (coxrafya), ewr, Elî, ezbenî, ez, der, ser.

7)Êê:

Di tîpên erebî de ٧ (heft) dikeve ser یyê û wisa;”ێ” tê nîşandan. Di tirkî de nîn e (tune). Di navbera “e” û “i”yê de tê telafûzkirin. Dengdêreke dirêj e.

Mînak: êk (yek), êş, êvar, êl, êriş, mêvan, mêr, gêzer, şêr, Şêxan.

Hûn jî dişên (dikarin) mînakan lê zêde bikin.

Dewama vê sibehî dê bê (bêt)…

Derbar çandname

Avatar

Dikarê vê jî bixwênê

Ne Rojek, Her Roj Roja Zimanê Dayikê ye

Îroj roja Zimanê Dayikê ya Navneteweyî ye. “21ê Sibatê ji aliyê Rêxistina Perwerde, Zanist û …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.