Sêşem , 1 Hezîran 2020

Dara Çinarê

Dara çinarê dilê xwe yê dilbirîn

Ji kî re vekim

Derdê dile xwe bi kî re parve bikim

Ez nizanim

Tu dibi hemraza min dara çinarê…

Binê siya te de hezaran mirov bêhna xwe dane

Mirovên baş û yên nebaş

Te tevan gohdarî kirye

Ka bêje te çî ji me fehm kiriye dara çinarê…

Şêrê daristana hestiyê ber seyan dixwe

Çiqas jî lê giran bê

Gur eyarê mîhe xwe kiriye

Bineyartî dikene

Ka were derbas bike vî demê

Vî kerê , ji vî pirê

Dara delal ,dara çinarê…

Te çî  ditiye û tu yê çî bibînî

Belgê xwe hêj tê zehf weşînî

Dara çinarê…

Çemê  Bilîsê têr av dide te

Jiyana te dirêj dibe rengê te vedibe

Ê me jî wekê vê çemê xwin ji me diherike û valayiyê ve diçe

Ku xema mirov tinebe

 Vê havîna germ de

Ber siya te û honikiya te

Çiqas xweş e dara çinarê…

Liser kokekî

Heftê û du şaxan zêdetir

Şaxê te jihev cudatir lê bihevre

Xwaziya me bi te

Dara çinarê…

Vî erdnîgariya bihûştî de

Dîroka me de bi sedan komkûjî çêbûne

Dengê komkûjiyekê dînê jî tê

Tu nebe şahidê  van rojê nexweş

Dara çinarê…

Seyekî direye wênegûhêzê de

Dengekî nexweş

Bêhna xwinê tê ji dengê wî

Bêhna kûştinê

Ez dizanim tu jî acizî ji vî denge

Dara çinarê…

Metîn Arî

About baweri

Avatar

Check Also

Momo û Dizên Demê

Pirsgirêka  herî mezin ya mirovê modern ‘dem/wext’ e. Nikare bi wextê re serî bikişîne. Di …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.