Pêncşem , 22 Cotmeh 2020

Çûka Bi Lome-Sibel Duman

Dibê yek hebû yek tune bû, çûkek hebû. Rojek çûk ji wê darê difire dihere dirîkek dikevê linga wê li derdora xwe dinêrî. Li xwarê pîrikek nan dipijîrîne. Dibê: “Pîrê ji kerema xwe re alîkarîya min bike wê dirîkê ji linga min derxe.” Pîrê dirîkê derdixe û pê heft nan dipijîrîne. Çûk dest bi girî dike û dibê “Ya tu dirîka min bidî ya jî heft nana.” Pîrê xwe ji çûke nafilitîne û heft nana didîyê. Çûk heft nanê xwe digre û difire.

Çûk dere dere lê dinêre way şivanek bişkûl digre, nav şîrda dike û dixwe. Li şivan dizivire û heft nanê xwe dide şivan. Şivan jî heft nanê digre û dixwe. Çûka bi lome dest pê dike dibê: “Ya tu heft nanê min bidî ya jî heft berana.” Şivan xwe ji çûke nafilitîne û digre heft beranan didiyê. Çûka bi lome heft berana digre û dere.

Lê dinêre şahiyek mezin heye. Dere nav şahiyê lê dinêre gelê şahiyê beq, kosî û mişk şerjê dikin. Çûk vedigeri dibê: “Vê heft beranan bigrin, şerjêkin.” Xwedîyê şahîyê digre heft beranan şerjêdike û gelê şahîyê dixwin. Çûka bi lome dest pê dike dibê: “Ya hûn ê heft beranê min bidî ya ji bûkê bidin min?” Xwedîyê şahîyê destê xwe ji çûkê nikare bişo û bûkê didîyê.

Çûka bi lome bûkê dirê û derê lê belê çûk dîsa lê dinêre way ser zinarek mezin zilamek heye û di destê zilam da jî bilûrek heye. Vedigere ji zilam re dibêje: “Tu bilûra xwe bidî min, ez jî bûkê bidim te.” Zilam kabul dike û bûkê digre û dere. çûka bi lome dest pê dike. Dibêje:

Lûr lûr  lûr

Min dirîkek da bi heft nana

Heft nan da bi heft berana

Heft beran da bi bûkek

Bûkek jî da bi bilûrek

Û dirê bilûrê jî dişkîne û difire.

Sibel Duman-Çandname

Derbar ziman

Avatar

Dikarê vê jî bixwênê

Ciwan Haco: Kes nikare vîna Kurd bişkîne

Ciwan Haco got: “Kurd neteweyek 50 milyonî ne. Îro em çend di rewşek xerab de …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.