Şemî , Berfanbar 16 2017
Malper / Perwerde / Birêz Mamosteyan re Çend Hişyarî

Birêz Mamosteyan re Çend Hişyarî

Birêz mamoste, van rastiyan hilde ber çavan û li gorî wê nêzîkî zarokan bibe.

1- Di nava polê de nebêje zarokekî tu jîr î. Çimkî zarokên din bibihîsin dê bibêjin qey ew ne jîr in.

2- Tu carî ferqê nexe navbera zarokên feqîr û dewlemend. Heke tu wisa bikî, tu yê cihêkariyeke mezin bixî navbera mirovan. Ev yek dê rûmeta mirovan ji holê rake.

3- Tu carî nebêje tu bêhiş î, divê tu vê yekê bizanibî ku zarokên bêhiş nîn in tenê yên di warê jîrbûnê de ji hev cuda hene.

4- Di polê de kîjan zarok neaxive, here bi wî re mijûl bibe. Pirsan jê bike, bibêje tu mirov î, tu baqil î, em hevalên hev in. Bi wî/wê re çay û qehweyê vexwe heta pêwîst bike xwarinê jî bixwin.

5- Zarokan netirsîne. Heke zarok ji te bitirsin, bizanibe ku tu erka xwe baş pêk naînî.

6- Şagirt ne tembel in, mamosteyên ku wan baş
perwerde nakin hene.

7- Ji zarokan pir hez bikin. Bila heza we bêsînor be. Hesabê hezê nekin. Hûn çi qas ji zarokan hez bikin, ew ê ew qasî zû pêş bikevin.

Birêz mamoste, hêvîdar im ku tu yê van xalên girîng hildî berçavan.

Bawer Agiri

Hûn dikarin van nivîsan jî bixwînin.

Zarok bi gotinê bi hêz dibin?

Dêbav di mijara çawa dîsiplînê bidin zarokan de ewqas endîşe dikin ku gaveke ku herî …

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir