Çarşem , 30 Îlon. 2020

Bi kurtî, Nivîskarî û Nivîskarê Kurd..

Berî pêlekê ev pirs ji min hat kirin; Nivîskar kî ye? Nivîskarê kurd Kî ye? Ez kurtbûna bersiva xwe ji bo pêşkêş dikim:

Nivîskar ew mirovên ku xwedî zanîn, serborî û serwextî ne, his û hestên wan tenik û nazik in, bi vîn û deyax in û bi şert û mercên nivîsandinê milevan in. Dema yek ji van mirovan, his û hestê xwe rast û durist li dor civaka xwe ji şîn û şadiyê binivîsîne; çi di warê helbestê de be, romanê de be an şanoyê de be, ew mirov nivîskar e.

Mirovê nivîskar dijî zulm û zorê raweste, berjewendiyên civakê di ser berjewendiyên xwe yên kesayetî re bigire. Dûrî xal û xwarzîtiyê, ap û birazîtiyê ye.. Armanca wî belavkirina dadmendî û heqiyê ye.

Nivîskar mîna pêxembera ne! Xemxurên civaka xwe ne, ji civaka xwe re rêzan û rêber in..

Lê nivîskarê kurd di gel van şertên ku me gotin; ew mirovê ku bi zimanê kurdî dinivîsîne. Bi şîn û şadiyên welat û welatiyên xwe re digirî û dikene. Di nivîsên xwe de çakiyên civakê pesin dide, xerabiyên wê radixîne ber çavan û di navbera çakî û xerabiyan de rêka çareseriya pêşketinê şanî welatiyên xwe dide..

Konê Reş, Qamişlo, 06.12.2017

Derbar Konê Reş

Konê Reş

Dikarê vê jî bixwênê

Nirxandina Pirtûka Helbestên Occo Mahabad ”RONDIKÊN BINEVŞÊ”

Nirxandin nirx e, qîmet dayîn e. Li cem mirov tiştên bi nirx/qîmet girîng in. Mirov …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.