Çarşem , Nîsan 17 2019
Destpêk / Kovargerî / Berdêlik

Berdêlik

Ji Qedrî Canê canbira ra :

 

Jiyîn xweş e bi xurtî

Li Kurdistan bi kurdan,

Bav û biran çi bikim?

Hemû min tê bi derdan.

 

Min dil tucar nenalî

Min zar tucar nekali

Bi dilhişkî bi lalî

Singa xwe da ber riman.

 

Min îşev dît xewna rast

Deng û gazî çi xweş hat

Digot rabin kurdino!

Tev biran û tev xwehan.

 

Derban li me tu zanî

Rim nîne giş nezanî

Xopan kirin kurdanî

Ev tiral û nezanan.

 

Hawarê, xweş awa kir

Dilê kurdan pê şa kir

Zar û ziman ava kir

Jîn û xweşî bela kir.

 

Kaniya Ereban 18-5-1932

Osman Sebrî

Amadekar :Keko Osman

keko3osman@gmail.com

HEJMAR: 2-HAWAR 1932

Derbar ziman

Avatar

Dikarê vê jî bixwênê

ZENDa 26an derket

Kovara lêkolîn û nirxandina li ser ziman a bi navê Zend bi hejmara xwe ya …

Bersivekê binivîsin

Your email address will not be published. Required fields are marked *