Perşembe , Ocak 28 2021

‘Antolojîyê Şîîranê Kirmanckî’ veciya

Weşanxaneyê Vate kitabê ke muhîm vet: Antolojîyê Şîîranê Kirmanckî (Zazakî). Kitab hetê Alî Aydin Çîçek ra hamew hedrekerdin.
Çîçek di destpêkê kitabî de xebata xo wina pênase (terîf) kerda: “Edebîyatê kirmanckî êdî reşto yew sewîyêka başe û ma eşkenîme nê edebîyatî ser o teorîyan aver berîme, rexne û açarnayîşan bikerîme. Helbet no seba antolojîyan zî wina yo. Ma beno ke ewro seba kirmanckî bese nêkenîme şîîran goreyê babetan tasnîf bikerîme û antolojîyanê cîyayan amade bikerîme labelê ma bese kenîme goreyê deman yew antolojê şîîran amade bikerîme.

Antolojî seba heme ziwan û edebîyatan ê dinya cayêko zaf girîng gênê. Manaya antolojî “guldeste” yo. Xebatê ke esaranê edebîyan ra parçeyanê weçîniteyan anê pêser ra êno vatene. Antolojî bi metodanê cîya-cîyayan êno amadekerdene. Antolojî seba yew edebîyatî vîr (hafiza) o, neynika yew ziwanî yo, maceraya ma ya poetîk bi xo yo. Feydayanê antolojîyanê şîîran ê tewr muhîman ra yew no yo: Antolojî musnenê ma ke heta nê dewrî şîîre senî qonaxanê vurîyayîşî ra derbaz bîya û ameya reşta sewîyeya senêne, se bîya û şeklo senên girewto. Ez bawer kena no antolojî zî na rewşe edebîyatê ma de zelal musaneno wendoxanê kirmanckî.”

Diyarname

About ziman

Avatar

Check Also

Lîsteya kitabê bi kirmanckî veciyayê

Di sera 2020’inan de Bakur û Tirkiya de bi temamî 270 kitabê bi kurmancî û …

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir